આપવીતી" (Aapviti)

# આપવીતી" (Aapviti)
મારા પતિ એક રીટાયાર્ડ ઓફિસર છે અમારી ઉમર ૬૦ અને ૬૩ ની આજુબાજુ હશે, .. હું એક દિવસ. .... મારા છોકરા ના રૂમ પાસે થી જતી હતી ત્યારે મારી વહુ એની મમ્મી સાથે ફોન પર વાત કરતી હતી ...

એની મમ્મી એ એની ખબર પૂછી તો કહે શું બતાવું મમ્મી આજ કાલ તો ઉતરેલી કઢી માં પણ ઉબાડ આવેલો છે ..

જ્યાર થી મારા સસરા નિવૃત્ત થયા છે ત્યાર થી મારી સાસુ ને સસરા પિકચર ના હીરો હિરોઈન હોય એમ રહે છે અને અમારા ઘર ના બગીચા માં ઝૂલા ઝૂલે છે, ના એમને એમના સફેદ વાળ નો લીહાજ, ના એમના વહુ બેટા ની ઉંમર નો લિહાજ, બંને જણા અમારી નકલ કરે છે, એમ બોલી ને મને જોઈ ગઈ તો પછી વાત કરું એમ કરી ફોન મૂકી દીધો ...

આપવીતી

મે આ બધું સાંભળી લીધું હતું પણ એ મને જોઈ ને વ્યંગાત્મક હસી મારી સામે જોઈ ને તો હું પણ હસી અને જતી રહી ...

પણ મે સમજદારી રાખી ને આ વાત ને નજર અંદાજ કરી અને જતી કરી...

મારા પતિ નિવૃત્ત થયા પછી અમારી દિનચર્યા આવી જ હતી, હું મારા પતિ માટે રોજ સારા સારા કપડા પહેરતી, અને અમે પતિપત્ની અમારા ગાર્ડનના ઝૂલા પર બેસતા અને અત્યાર સુધીના સંઘર્ષની વાતો વાગોળતા...

આ ઝુલો અમારા મકાન ની બહાર ગાર્ડન માં બનાવેલ હતો એમાં મૂક્યો હતો, મે મારી જિંદગી છોકરા નું ભવિષ્ય સુધારવા માં વિતાવી દીધું તો મારા પતિ ની ઈચ્છા હતી કે એક સારું મકાન બનાવું અને અમે બનાવ્યું અને બગીચો પણ અમારું સપનું હતું, એ બગીચો નહિ પણ મારા સપનાં નો બગીચો હતો એમાં ઘણી પ્રકાર ના ફૂલ છોડ હતા ...

એટલે અમે બંને જણા આ બગીચા માં બેસી ને પોતાના મન ને પ્રફુલ્લિત કરતા હતા, આ બગીચો અમારા મન ને એટલી શાંતિ આપતો કે કલાકો સુધી બેસ્યા પછી પણ ઉઠવા નું મન નતું થતું ...

શિયાળા માં આ બગીચા માં લાકડા માં શેકેલા બટાકા, શક્કરિયા સેકી ને ખાતા , ચોમાસા માં શેકેલા મકાઈ ના ડોડા નો આનંદ લેતા ....

પહેલા તો મારા પતિ નોકરી માં વ્યસ્ત હોવા ને કારણે અહી બેસી ન'તા શકતા, તો હું ઘણી વાર તેમને કેહતી મારા માટે તમારી પાસે ટાઇમ જ ક્યાં છે તો મારા પતિ હસી ને કહેતા હતા, પાર્ટનર હું નિવૃત્ત થઈ જઈશ તો રોજ આ ઝૂલા પર બેસી શું.. અને રોજ સાથે જમીશું બસ ...

હમણાં મને નોકરી કરી લેવા દે, છોકરાઓ નું ભવિષ્ય સુધારી લેવા દે ...

આમ વિચારી ને અમે અમારી જિંદગી નું બલિદાન આપ્યું, પણ હવે છોકરો પણ સેટ થઈ ગયો અને છોકરી ને પણ સારું ઘર મળી ગયું ...

નિવૃત્તિ પછી ઘર માં થોડી રોનક લાગવા લાગી, મારા પતિ ને પણ ઘરે રહેવાનું સારું લાગતું હતું, નોકરી કરતા હતા તો ઘર માં પગ જ ટકતો ન હતો. ..

પણ મારી વહુ મારા છોકરા ને અમારા વિષે એની બાને બોલવા નો કોઈ મોકો છોડતી ન હતી ...

મારી વહુ એ અમે બગીચા માં ના બેસી શકીયે એના માટે મારા છોકરા ને કહી ને નવી ગાડી લાવવા નો પ્લાન કર્યો તો મારા છોકરા એ એને કીધું, પાર્કિંગ ક્યાં કરીશું? તો મારી વહુ એ કીધું ગાર્ડન ની જગ્યા પર જ્યાં લવ બર્ડ બેસે છે એ જગ્યા પર ...

મારી વહુ આવું બોલી તો મારો છોકરો ગુસ્સે થી કહ્યું ... મો સંભાળી ને બોલ ...

તો પણ મારી વહુ ના કહેવા થી મારા છોકરા એ મારા પતિ જોડે પ્રસ્તાવ મૂક્યો કે પિતાજી હું અને તમારી વહુ ગાડી લેવા નો પ્લાન કરીએ છીએ, આ સાંભળી મારા પતિ એ કીધું બેટા ગાડી તો પેહલા થી જ આપણી પાસે છે પછી કેમ લેવી છે તારે ? તેમ છતાં તું લાવે તો એને પાર્કિંગ ક્યાં કરીશ ?..

તો મારો છોકરો કહે અહી બગીચા ને હટાવી ને ગેરેજ કરી દઈશું આમ ભી આ બગીચા ની દેખરેખ મારી પત્ની થી થતી નથી અને મમ્મી પણ ક્યાં સુધી એની દેખ રેખ રાખશે, અને આ ઝાડ પણ કપાવી નાખવા જોઈએ કેમકે એના મૂળિયાં આપણાં ઘર ને કમજોર કરી નાખશે ...

આ સાંભળી ને હું તો છાતી પર હાથ મૂકી ને બેસી ગઈ, મારા પતિ એ ગુસ્સા ને કાબુ માં રાખી મારા છોકરા ને કીધું અમને વિચારવા નો સમય આપ અમે એક બીજા સાથે વાત કરી તને કહીએ ...

આ વાત સાંભળી મારો છોકરો ગુસ્સા માં કહે શું વાત કરવી છે તમારે..!? આમ ભી આ જગ્યા નો ઉપયોગ પણ શું થાય છે, તમે બંને આખો દિવસ કોઈ સમજ્યા વગર કોઈ ની શરમ રાખ્યા વગર સાથે બેસી રહો છો, હવે તમે કઈ નાના બાળકો છો તો આખો દિવસ ઝૂલા ઝૂલો છો, તમે જરા પણ નથી વિચારતા કે લોકો શું કહેશે, આ ઉંમરે પણ બંને જણા પાસે બેસી રહો છો, પપ્પા તમે તમારી ઉંમર ના લોકો સાથે બેસવા નું રાખો મમ્મી સાથે નહિ, તમારી ઉમર ના લોકો સાથે બેસશો તો સારા લાગશો, આ બોલી ને એ એના બેડ રૂમ માં જતો રહ્યો અને ત્યાં મારી વહુ પણ બબડવા લાગી ...

અમને આજે કડવી સચ્ચાઈ નો અનુભવ થયો, મારા છોકરા ના મોઢે થી સાંભળેલી આવી વાતો થી અમારું દિલ ભરાઈ આવ્યું એને અને બિલકુલ અંદર થી તૂટી ગયા ...@આવકાર™

નિવૃત્તિ થયે થોડો સમય જ થયો હતો અને હમણાં જ અમને એક બીજા ને ટાઇમ આપવા નો મોકો મળ્યો હતો તેથી દિલ માં થોડું સુકુંન હતું, આખી જિંદગી છોકરા ના ભવિષ્ય સુધારવા માં ગુજરી ગઈ હતી ...

મારા છોકરા અને વહુ એ ખાવા નું બહાર હોટલ માં થી મંગાવ્યું પણ મે તો ખાવા ખાધું જ નહિ, અને હું ઊંઘી ગઈ, ઊંઘ તો મારા પતિ ને પણ ના આવી અને એ મારી માનસિક સ્થિતિ ને પણ જાણતા હતા, એ વિચાર માં ને વિચાર માં સુઈ ગયા...

પણ જ્યારે મારા પતિ સવારે ઉઠયા તો બિલકુલ શાંત હતા અને ખુશ હતા ...!!

એ કિચન માં ગયા અને જાતે ચા બનાવી, જાતે પીધી અને મારા માટે પણ લઇ આવ્યા ...

મે એમને કીધું શું વિચાર્યું તમે? મે રોતા અવાજ માં પૂછ્યું ...

તો મારા પતિ કહે હું બધું ઠીક કરી દઈશ તું શાંતિ રાખ, હું એટલી ઉદાસ હતી કે એ દિવસ બગીચા માં પાણી છાંટવા પણ ના ગઈ અને કોઈ ની સાથે વાત પણ ના કરી ...

આખો દિવસ બઘું નોર્મલ રહ્યું પણ સાંજે જ્યારે મારો છોકરો ઘરે આવ્યો અને બહાર બોર્ડ જોયું to let તો મારો છોકરો ચોકી ગયો અને એના પિતા ને પૂછવા લાગ્યો, પપ્પા ઘર તો મોટું છે પછી આ ઘર ની આગળ to let નુ બોર્ડ શું કામ લગાવ્યું ?...

તો મારા પતિ કહે આવતા મહિને મારા સ્ટાફ નો મારો મિત્ર નિવૃત્ત થાય છે અને તે આ ઘર માં રહેવા આવશે એમને બિલકુલ શાંતિ થી જવાબ આપ્યો ...

આ સાંભળી મારો છોકરો બોલ્યો પણ પપ્પા ક્યાં રહેશે ? તો મારા પતિ કહે તારા રૂમ માં એમ બિલકુલ શાંતિ થી કીધું, તો મારો છોકરો હકલાતા આવાજે કહે તો અમે ક્યાં રહીશું ? તો મારો પતિ કહે તમને મે લાયક બનાવી દીધા છે કે તમે ખુદ નું મકાન લઇ શકો, અને જ્યાં સુધી ના મળે ત્યાં સુધી કંપની ના મકાન માં રહેજો તમે, પોતાની ઉંમર ના લોકો સાથે અને અમે અહી અમારી ઉમર ના લોકો સાથે રહીશું ...

તારી મમ્મી ની ઉંમર આખી જિંદગી બધા ની લિહાજ ભરવા માં જતી રહી, ક્યારે વડીલો ની, ક્યારેક છોકરાઓ ની, હવે તું લિહાજ ની શિખામણ બીજા પાસે થી લેજે, આ સાંભળી મારો છોકરો માથું નમાવી ને કહે પપ્પા મારો આવો મતલબ ન હતો ...

મારા પતિ કહે ના બેટા તમારી પેઢી એ અમને સબક શીખવાડી દીધો છે, જ્યારે અમે તને અને વહુ ને સાથે જોઈ ને ખુશ થઈ એ છીએ તો અમને બંને ને સાથે જોઈ ને તને કેમ ખુશ નથી થતા, શું તકલીફ છે તમને ?...

આ મકાન ને ઘર તારી મમ્મી એ બનાવ્યું, આ બગીચા ના ઝાડ તારા માટે કેટલી મન્નત માંગેલી એના સાક્ષી છે તો આ એક બગીચો હટાવવા નો અધિકાર તમને કોને આપ્યો..!, હું આ અધિકાર તને કદી નહિ આપુ ....

મારો છોકરો મારા પતિ ને કહે પપ્પા તમે તો સિરિયસ થઈ ગયા એના અવાજ માં નરમી આવી ગઈ હતી...!!

મારા પતિ કહે ના બેટા, તારી માં એ કેટલા દુઃખ વેઠી ને એની ઈચ્છા ત્યાગ કરી ને મને સાથ આપ્યો છે અને આજ સહયોગ ના લીધે મારા માથે એક પણ રૂપિયા નું દેવું નથી ...

એટલે આ બગીચો જ નહિ આખુ ઘર તારી મમ્મી નું ઋણી છે, આ ઘર તમારા પહેલા તારી મમ્મી નું છે, કેમકે પહેલા જીભ આવે છે પછી દાંત ...!!

જિંદગી તો અમને પણ એક જ વાર મળી છે એટલે અમે આ જિંદગી અમારા હિસાબ થી જીવવા માંગીએ છીએ ...!! –અજ્ઞાત"

🖊️___આ વાતના સર્જકનું નામ કોઈ વાચક શોધી આપશે તો અહીં પ્રગટ કરવાનું ગમશે.""

વાંચ્યા પછી... 

આપના પ્રતિભાવ નીચે આપેલ કોમેન્ટ બોક્સમાં આપી શકો છો અથવા અમને વોટ્સએપ No - 7878222218 પર પણ મોકલી શકો છો..!!🌺 __🖊️©આવકાર™

Conclusion:

નવીનતમ અપડેટ્સ માટે અમારું homepage ચેક કરશો, આ પોસ્ટની મુલાકાત લેવા બદલ આભાર, પ્રેરણાદાયી વાંચન, આરોગ્ય અને પ્રકૃતિ વિશેની માહિતી, સરકારી યોજના, હળવી મનોરંજન પોસ્ટ જેવી લોકોપયોગી પોસ્ટ માટે અમારી સાથે જોડાયેલા રહો.